Патрик Валанс, главен владин научен советник за пандемијата, запишал белешка во својот дневник на 25 октомври 2020 година за состанокот на тогашниот премиер Борис Џонсон и Сунак, тогашен министер за финансии во владата на Џонсон
Британскиот премиер Риши Сунак, наводно, рекол дека владата треба „само да дозволи луѓето да умираат“ во пандемијата на ковид-19, наместо да одлучува за второ национално заклучување, откри денеска истрагата за одговорот на владата на Обединетото кралство (ОК) на коронавирусот.
Патрик Валанс, главен владин научен советник за пандемијата, запишал белешка во својот дневник на 25 октомври 2020 година за состанокот на тогашниот премиер Борис Џонсон и Сунак, тогашен министер за финансии во владата на Џонсон.
Во записот од дневникот, претставен на истрагата, забележано е како Доминик Камингс, главен советник на Џонсон за време на пандемијата, му го пренел на Валанс она што тој наводно го слушнал на состанокот.
„Риши мисли дека само треба да ги оставите луѓето да умрат и дека тоа е во ред. Сето ова изгледа како целосен недостиг на лидерство“,
го цитира Валанс Камингс во својот дневник.
Портпаролот на Сунак рече дека британскиот премиер ќе ги претстави своите ставови кога ќе ги презентира доказите на истрагата „наместо да одговара на секој (дел) поединечно“.
Велика Британија е под истрага за одговорот на владата на пандемијата на коронавирус, за време на која починаа повеќе од 220 000 луѓе. Истрагата ќе трае до летото 2026 година.