Илјадници британски туристи побрзаа да се вратат денеска назад во Велика Британија од Франција, Холандија и неколку други земји за да избегнат карантин што оваа земја ги воведе за сите оние кои доаѓаат од овие земји.
Оние кои не успејаа да се вратат до 4 часот утрово, ќе мора да поминат 14 дена во самоизолација.
Освен за Франција и Холандија, карантин се воведува и за оние кои доаѓаат од Монако, Малта, Аруба и други.
Причина е порастот на бројот на заразени со коронавирус во овие земји.
Франција вчера пријави 2 866 случаи за 24 часа, што е највисока бројка од намалување на ограничувањата.
Како резултат на британската мерка, Франција најави реципроцитет, а Холандија ги предупреди своите граѓани да не патуваат во Британија.
Според податоците на Универзитетот Џонс Хопкинс, во светот со коронавирус досега се заразиле над 21 милион луѓе, од кои над 764 000 досега починаа. Најмногу заразени има во САД – 5,3 милиони, по што следуваат Бразил со 3,2 милиони и Индија со 2,5 милион заразени.