Утре се одржува првиот формален Совет за општи работи на министрите за европски прашања на ЕУ. Иако проширувањето не е на агендата, не е исклучено министрите да ја покренат темата доколку оценат дека е потребно, посебно во пресрет на лидерскиот самит ЕУ-Западен Балкан што ќе се одржи во Словенија на 6 октомври
Висок дипломат на ЕУ изутринава одржа брифинг со новинарите, на кој зборуваше за проширувањето и изгледите за Северна Македонија да ја одржи првата меѓувладина конференција со Унијата во декември.
„Сѐ уште е рано да се шпекулира“,
вели неименуваниот дипломат на кој се повикува МИА, кој не сакаше да шпекулира за тоа какви се шансите до декември да се деблокира состојбата за Северна Македонија и конечно ЕУ да го исполни ветувањето дадено во март 2020 дека земјата, заедно со Албанија, треба да ја одржат првата меѓувладина конференција со ЕУ и со тоа да ги започнат формално преговорите за членство во ЕУ
Утре се одржува првиот формален Совет за општи работи на министрите за европски прашања на ЕУ. Иако проширувањето не е на агендата, не е исклучено министрите да ја покренат темата доколку оценат дека е потребно, посебно во пресрет на лидерскиот самит ЕУ-Западен Балкан, што ќе се одржи во Словенија на 6 октомври.
Северна Македонија и натаму е блокирана од Бугарија, каде што изборите се презакажани за ноември, што не остава многу време до декемврискиот самит на лидерите на ЕУ да се надмине ветото.
Надежта во Брисел е дека самитот во Брдо кај Крањ во Словенија на 6 октомври ќе овозможи напредок, велат дипломатите.
„Се подготвува самитот на 6 октомври и работиме на неговиот исход, уверен сум дека ќе биде успешен. Словенечкото претседателство ќе се обиде најдобро да се справи со сите прашања поврзани за проширувањето и Меѓувладината конференција во наредните месеци, но ќе зависи од политичката состојба во земјите членки, како и од волјата на партнерите да се оди напред“,
изјави за МИА висок дипломатски претставник на земја членка на ЕУ.
Министрите за европски прашања на ЕУ на утрешната средба ќе се фокусираат пред сѐ на пандемијата и вакцинацијата. Иако не е формално на дневен ред, не е исклучено земјите членки да побараат дискусија за трилатералниот воен сојуз помеѓу Австралија, САД и Британија, во кој ЕУ не беше поканета да учествува и предизвика големи тензии со Франција.