Советник за надворешни работи Сирил Бомгартнер е назначен за вонреден и ополномоштен амбасадор на Француската Република во Република Северна Македонија, на местото на Кристијан Тимоние, јави дописникот на МИА.
Назначувањето на Бомгартнер за амбасадор во Скопје беше официјализирано и во „Службениот весник“ на Франција.
Тој досега извршувал повеќе функции, а една од нив е заменик-генерален секретар за европски прашања во француското Министерство за надворешни работи. Претходно бил и прв советник во Амбасадата на Франција во Бугарија.
Амбасадорот во заминување, Тимоние, мандатот во земјава го заврши во август 2020 година.