За време на заедничкиот состанок американскиот државен секретар му соопштил на украинскиот претседател дека американската воена помош е на пат кон Украина, односној некои од пакетите веќе пристигнале, а поголемиот дел се очекува наскоро да пристигнат
Слободна и просперитетна Украина е најсилен одговор за рускиот претседател Владимир Путин. Ова денеска го порачал aмериканскиот државен секретар Ентони Блинкен на средбата со украинскиот претседател Володимир Зеленски, пренесува Би-би-си.
Блинкен денеска се сретна со Зеленски во претседателскиот штаб на Банкова во Киев, откако со воз пристигнал од Полска во ненајавена посета на Украина.
На социјалната мрежа Икс, Блинкен напиша дека повторно дошол во посета на земјата, за да покаже непоколеблива поддршка за Украина додека таа се брани од руската агресија.
I returned to Kyiv today to demonstrate our unwavering support for Ukraine as they defend their freedom against Russian aggression. pic.twitter.com/7ruIw6GgVd
— Secretary Antony Blinken (@SecBlinken) May 14, 2024
Ова е прва неговата посета на Украина, откако минатиот месец беше усвоен големиот пакет на помош од САД.
За време на заедничкиот состанок Блинкен му соопштил на Зеленски дека американската воена помош е на пат кон Украина, односно дека некои од пакетите веќе пристигнале, а поголемиот дел од нив се очекува наскоро да бидат во земјата.
Според него, оваа помош ќе направи разлика на бојните полиња во тековната руска агресија.
„Ние сме решени, заедно со многу други партнери за Украина, да се погрижиме да успеете на бојното поле“,
рекол Блинкен.
Зеленски му рекол на Блинкен дека изминатиот период е тежок за украинските војници, особено за оние кои се наоѓаат на истокот на земјата. Истовремено и му се заблагодарил на Блинкен за клучниот пакет воена помош.
Посочил и дека од клучно значење е оружјето да се достави што е можно побрзо, оценувајќи дека противвоздушната одбрана е најголемиот дефицит во Украина, што, според Зеленски, сега е случај во Харков.
Блинкен рече дека се восхитува на извонредната издржливост на Украина, како и на силното лидерство на Зеленски.
Ова е четврта посета на Блинкен на Киев од почетокот на руската инвазија во февруари 2022 година,