Вицепремиерите за економски прашања и за борба против корупцијата, Фатмир Битиќи и Љупчо Николовски, заедно со министерот за економија, Крешник Бектеши, утре ќе присуствуваат во Солун на тркалезна маса на тема енергетика.
Македонската владина делегација ќе се сретне со државниот секретар на САД, Мајкл Помпео и министерот за развој и транспорт и врски на Грција, Костис Хаѕидакис.
Тркалезна маса на тема „Регионална енергетска безбедност и соработка“, се организира од Федерацијата на индустрии на Северна Грција.
По завршување на тркалезната маса, официјалната владина делегација ќе изврши посета на ИКТ технолошки парк во Солун и ќе оствари средби со неколку грчки компании.