Според Бил Гејтс, светот моментално е добро подготвен за да се справува со пандемијата
Американскиот милијардер Бил Гејтс на својот блог зборуваше за пандемијата на ковид-19 и предизвиците што нѐ очекуваат во иднина.
Тој изрази надеж дека критичната фаза на пандемијата ќе заврши веќе следната година.
„Би било глупаво да се направат поинакви предвидувања, верувам дека акутната фаза на пандемијата ќе заврши некаде околу 2022 година“,
вели Гејтс во блогот „Гејтсноутс“.
Американскиот милијардер рече дека крајот на пандемијата не е толку близу како што се надевал поради делта-сојот и проблемите за луѓето целосно да се вакцинираат.
Гејтс нема дилеми дека појавата на сојот омикрон е загрижувачка, но смета дека со развојот на вакцините и антиковид лековите коронавирусот ќе прерасне во ендемска болест веќе во 2022 година.
„Светот е подобро подготвен како да се бори против потенцијално лошите соеви, најдобро од почетокот на пандемијата. Сега сме во многу подобра позиција да ги модифицираме вакцините, доколку биде потребно“,
порача Гејтс.