Апсурдни се ставотите на бугарската министерка за надворешни работи, Екатерина Захариева, која објаснувајќи го спорот со Македонија порача дека не може државата од една страна да сака да влезе во ЕУ, а истовремено да го слави, како што рече, еден од најмрачните диктатори – Тито.
Вака коментира професорот на Универитетот во Грац, Флоријан Бибер, кој важи за експерт за политиката и историјата во Југоисточна Европа.
„Бугарската МНР апсурдно тврди дека не смее да се слави Тито во ЕУ. Чудо е што Словенија и Хрватска влегоа во ЕУ (сигурно ги промашив и сите македонски прослави на Тито)“,
напиша Вибер.
Bulgarian MFA claims absurdly that one cannot celebrate Tito in the EU. It’s a miracle that Slovenia and Croatia entered the EU (I must have also missed all the Macedonian Tito celebrations) https://t.co/rWGJirPcHI
— Florian Bieber (@fbieber) November 15, 2020
Бугарската министерка Захариева, во настап на БТВ, порача дека македонската политика продолжува да ги следи идеалите на Тито и Сталин, со што и се прави услуга на Русија.
„Не може од една страна да сакаш да си во ЕУ и да го демократизираш општеството, а истовремено да го чествуваш еден од најмрачните диктатори – Тито. Ако продолжиме да ги затвораме очите пред фактот дека државата продолжува да се развива по начинот замислен од Тито и Сталин, и вршиме работа на Москва“,
рече Захариева.