Новата цена на еуросупер БС-95 ќе биде 80,50 денари, а еуросупер БС-98 ќе се продава за 82,50 денари за литар. Еуродизелот (Д-Е V) и натаму ќе се продава за 69 денари за литар
Од ноќеска на полноќ бензините ќе се продаваат поскапо, додека дизелот и понатаму ќе биде со сегашната цена.
Малопродажните цени на бензините еуросупер БС-95 и еуросупер БС-98 од полноќ се зголемуваат за 2 денара по литар, а на еуродизел (Д-Е V), екстра лесното масло за домаќинство и на мазутот М-1 НС остануваат непроменети, соопшти Регулаторната комисија за енергетика и водни услуги.
Новата цена на еуросупер БС-95 ќе биде 80,50 денари, а еуросупер БС-98 ќе се продава за 82,50 денари за литар. Еуродизелот (Д-Е V) и натаму ќе се продава за 69 денари за литар.
Од РКЕ велат дека со одлуката се врши зголемување на малопродажните цени на нафтените деривати во просек
за 1,01 отсто, споредено со претходната одлука за утврдување на малопродажните цени на нафтените деривати и горива од 22.5.2023 година.