Како што се наведува во образложението на одлуката, американската администрација се одлучила на овој потег со цел да ја стабилизира цената на горивото во земјата, како и цената на нафтата на светскиот пазар, пишува „Њујорк тајмс“
Соединетите Американски Држави ќе пуштат уште 15 милиони барели нафта од стратегиските резерви на пазарот во декември, објави Белата куќа.
Како што се наведува во образложението на одлуката, американската администрација се одлучила на овој потег со цел да ја стабилизира цената на горивото во земјата, како и цената на нафтата на светскиот пазар, пишува „Њујорк тајмс“.
„Ова е драматична одлука на Белата куќа три недели пред изборите за Сенатот и Претставничкиот дом и по зголемената загриженост за сериозниот раст на инфлацијата оваа зима и војната во Украина. Со овие 15 милиони барели, ќе се потрошат сите 180 милиони кои претседателот Бајден ги одобри за продажба на почетокот на годинава“,
се наведува во текстот на „Њујорк тајмс“, пренесува Аваз.
Наводно, Бајден е подготвен да потпише продажба на повеќе големи количества нафта од стратегиските резерви во кои може да има 700 милиони барели нафта. Уште 400 милиони ќе останат во резервите откако споменатите 15 милиони ќе бидат пуштени на пазарот.
BREAKING: President Biden is releasing 15 million barrels of oil from the U.S. strategic reserve in an effort to lower gas prices after OPEC+ production cuts. https://t.co/sEEvW1ben1
— The Associated Press (@AP) October 18, 2022
Инаку, Америка има намера да ги пополни резервите кога цената на барел нафта ќе падне под 72 долари. Моментално е на 90 долари за барел.