Со одлуката на Владата за замрзнување на цените на основните продукти и на јужното овошје, вратени се цените на ниво пред појавата на кризата со коронавирусот, а се прават се прават контроли посебно кај големите и малите трговци и кај оние што ги увезуваат овие производи дали се почитува мерката.
„Ги повикувам сите компании, посебно големите трговци и производители, да ги почитуваат одлуките на Владата за замрзнување на цените на некои производи, најмногу на основните, но и на другите, а неправилностите граѓаните и да ги пријавуваат на 191 и Инспекторатот ќе реагира“,
рече министерот за економија Крешник Бектеши.
Тој рече дека не смее оваа криза да се користи за профит и најави дека Пазарниот инспекторат нема да престане со работа ниту по завршувањето на вонредната состојба и ќе има соодветни казни.
Тој упати гаранции до граѓаните дека земјата има доволно храна, не само во моментов туку и за следните месеци и иако не може да се предвиди колку ќе трае ситуација, има обезбедено доволно количини на производи за долг период.