Американскиот претседател Џо Бајден упати честитка до новиот германски канцелар Олаф Шолц за новостекнатата функција и изрази надеж за воспоставување посилни врски меѓу Берлин и Вашингтон.
„Му честитам на новиот германски канцелар Олаф Шолц. Со нетрпение очекувам да воспоставиме силни врски меѓу нашите две земји и тесно да соработуваме за да постигнеме напредок во справувањето со постојните предизвици во светот“,
напиша американскиот претседател на Твитер.
Во Вашингтон сега сметаат дека новиот социјалдемократски канцелар и шефицата на дипломатијата, Аналена Баербок, која доаѓа од Партијата на зелените, ќе заземат поодлучен став кон Кина и Русија.