Грантови се предвидени и за општините кои ќе достигнат одредени нивоа на вакцинација – 80, 85 и 90 проценти. Досега 72 отсто од возрасните Австријци се вакцинирани, што и натаму е еден од најниските проценти на вакцинација кога се во прашање западноевропските земји членки на ЕУ
Владата на канцеларот Карл Нехамер договори со најголемата опозициска партија пакет за поттикнување на вакцинацијата во земјата во вредност од 1,4 милијарди евра, кој би бил најавен заедно со законот за задолжителна вакцинација за сите лица повозразни од 18 години, пренесува „Блумберг“.
Наградата од 500 евра нема да ја добие секој оној што ќе се вакцинира, туку среќните добитници ќе бидат извлечени во рамки на организирана лотарија.
„Државата ќе овозможи лотарија за вакцинираните. Победниците ќе добијат по 500 евра, кои ќе можат да ги користат за хотели, ресторани и други услуги“,
изјави Нехамер.
Грантови се предвидени и за општините кои ќе достигнат одредени нивоа на вакцинација – 80, 85 и 90 проценти. Досега 72 отсто од возрасните Австријци се вакцинирани, што и натаму е еден од најниските проценти на вакцинација кога се во прашање западноевропските земји членки на ЕУ.
Австрија ќе започне и со изрекување казни за невакцинираните, а висината на казната може да достигне 3 600 евра.
Од средината на март, невакцинираните ќе почнат да добиваат писмени опомени, почнувајќи со глоба од 600 евра. Казната нема да важи доколку лицата се вакцинираат во рок од две недели од добиената опомена.