Во Австралија денеска е забележан најголем пад во дневниот број на регистрирани заразени со коронавирус во изминатите три недели – 292 лица, во споредба со вчера кога имаше 428.
Најголем број од заразените се во државата Викторија, каде во главниот град Мелбурн од 3 август на сила се мерки на ограничување.
Министерот за здравство Грег Хант изрази претпазлив оптимизам за новите податоци истакнувајќи дека верувааат дека имаат рани знаци за израмнување на кривата.
Во Мелбурн, град со пет милиони жители, за да се оди на работа мора да се поседува дозвола за излез од дома, а дозволено е излегување само за набавка на намирници или медицинска потреба. Носењето маски на јавни места е исто така задолжително.
Во државата Викторија, како резулат на зголемениот број заразени од 4 август воведени се високи парични казни, кои за прекршување на наредбата за изолација изнсуваат 20 000 американски или 14 500 американски долари, додека за непочитување на забраната за напуштање на домовите се казнува со 5 000 австралиски или 3 559 американски долари.
Според Универзитетот Џонс Хопкинс бројот на смртни случаи во Австралија се искачи на 361, додека вкупниот број на заразени од почетокот на епидемијата досега е 22 358 лица.
