Две нови снимки утрото се појавија на Јутјуб каналот „Обнова на РЕЖИМОТ“, каде вчера, исто така, беа објавени две „бомби“. И денешние се телефонски разговори на актуелниот генерален секретар на ВМРО-ДПМНЕ и носител на кандидатската листа во третата изборна единица, Игор Јанушев, и поранешниот министер за транспорт и врски, Миле Јанакиески.
Првиот разговор трае 1 минута и 19 секунди и во него Јанушев и Јанакиески разговараат за тоа каде треба да бидат однесени лаптопи, пришто повторно се слуша дека се споменува лице со име Даниела, како и во вчерашните разговори.
„Таа Даниела и тој Ратко, жими се, слушај ми го зборот, нека помине денот, утре ќе ги убијам“, вели Јанушев во дел од разговорот.
Тие разговараат за тоа каде треба да бидат лаптопите и луѓето, дали во „месните во Буњаковец“ или во „Борис Трајковски“. Иако од разговорот не се споменува кое е лицето Ратко, сепак, името коинцидира со поранешниот директор на Спортскиот центар „Борис Трајковски, Ратко Капушевски. Од содржината на разговорот се добива впечаток дека тој е снимен во ден кога се гласало, бидејќи Јанушев во еден дел кажува дека и тој гласал и дека не може се врати во Скопје зашто врне.
Разговорот е со следната содржина:
Јанушев: Кажи
Јанакиески: Даниела вика во Буњаковец уште нема лаптопи однесени
Јанушев: А бе, таа Даниела и тој Ратко, жими се, слушај го зборот, нека помине денот, утре ќе ги убијам. Вчера до 12 се расправавме со Ратко кај треба да бидат компјутерите. Он ми вика ’ние се договоривме, ние си имаме систем, сè да ни биде во Борис Трајковски‘. И Геле и луѓево што се со нив, и Љупча и дечково со нив од Битола, отидоа у Борис Трајковски. Сега Влатко ми се јавуе и ми вика у Буњаковец. Значи они прво меѓу себе се немаат договорено
Јанакиески: Не не … не одлучуваат тие. Во Буњаковец рековме во месните
Јанушев: Знам. Вчеравечерта го правевме муабетот, рекоа дека имале систем, не знам каков, боље ќе било така. И ајде викам да не правам гужви. Се слушав со Влатко, се договоривме. Мислам не е тоа проблем, за две минути може да бидат во Буњаковец.
Јанакиски: (од снимката не се разбира што кажува)
Јанушев: Ама не, ок. Влатко ми рече сè ок тогаш, нека останат таму ќе си средиме.
Јанакиески: Тие веќе гласаат
Јанушев: Гласаа, и јас гласав ама истура, не можеме да се вратиме за Скопје … Знаеш како врне? Истура. Нема врска, јас сум за 10 минути на работа
Вториот разговор, пак, е во траење од 1 минута и 25 секунди. Во него соговорниците зборуваат за список за вработени во Телеком кој Јанушев го пратил кај Жарко Луковски. Луковски е поранешен директор на Телеком, кој почина минатата година. Тој беше осомничен во случајот „Базни станици“ на СЈО. Во „бомбите“ од 2015 година имаше снимки во кои тој разговара со Јанакиески за списоци за гласање на вработените во Телеком за ВМРО-ДПМНЕ.
Разговорот е со следната содржина:
Јанакиески: А бе, овој вика, Жарко Луковски, не си му ја пуштил листата на Телеком на редовни по договор
Јанушев: Шефе, више не знам кај е … Чекај да видам, не викам ’не‘, не знам на кого више шо му е пратено. Луковски … само малце … Како не сум му ја пуштиш, сум му ја пуштил и ти си баш у це-це ставен. На 29 март.
Јанакиески: Во колку саат? Прочистена?
Јанушев: Чекај, ај да отворам во секој случај ама мислам дека прочистена, тоа беше финтата, да му пратам прочистена. Да бе шефе, тие 2 000 души ги дадоа дека се сите од Центар.
Јанакиески: Не 2 000, 700
Јанушев: Чекај, биди на линија … Кај ја ставив Телеком … Телеком Центар … Таа е 448 луѓе
Јанакиески: … Во колку саат?
Јанушев: Чекај да видам само овде на меилов, во 12 и пол ноќта, да му ја препратам?