Тој посетата на Исламабад ја оцени како многу плодна, додавајќи дека Иран ги цени добрите услуги и братски напори за враќање на мирот во регионот
Шефот на иранската дипломатија Абас Арагчи, по средбите во Исламабад, на кои не присуствуваше американска делегација, изјави дека не е јасно дали САД се навистина сериозни во дипломатијата.
Тој посетата на Исламабад ја оцени како многу плодна, додавајќи дека Иран ги цени добрите услуги и братски напори за враќање на мирот во регионот.
Арагчи во објава на неговиот профил на Икс вели дека на средбата го споделиле ставот на Иран во врска со функционалната рамка за трајно завршување на војната.
„Многу плодна посета на Пакистан, чии добри услуги и братски напори за враќање на мирот во нашиот регион многу ги цениме. Го споделив ставот на Иран во врска со функционалната рамка за трајно завршување на војната против Иран. Сè уште не сме виделе дали САД се навистина сериозни во врска со дипломатијата“,
пишува тој.
Very fruitful visit to Pakistan, whose good offices and brotherly efforts to bring back peace to our region we very much value.
— Seyed Abbas Araghchi (@araghchi) April 25, 2026
Shared Iran's position concerning workable framework to permanently end the war on Iran. Have yet to see if the U.S. is truly serious about diplomacy.
По Исламабад, тој пристигна во главниот град на Оман, Мускат.
Пакистанскиот премиер Шехбаз Шариф денешната средба со Арагчи ја оцени како „многу топла и срдечна размена на мислења за моменталната регионална ситуација“.
Попладнево американскиот претседател Доналд Трамп информира дека го откажал патувањето на американската делегација во Исламабад на разговори со Иран.
Тој вели дека премногу време е потрошено на патувања и оти им кажал на Стив Виткоф и Џаред Кушнер дека нема „да летате 18 часа за да стигнете таму, ние ги држиме сите карти во раце“.