Не знам зошто не го тестиравте спикерот Гаши бидејќи ние го тестиравме две и пол години спикерот Џафери кој ги прифаќаше (амандманите н.з) со „Република С Македонија“ – се обрати лидерот на Левица кон владејачкото мнозинство
Лидерот на Левица, Димитар Апасиев денеска од собраниската говорница на седницата на која се расправа за изборот на новата власт, рече дека ја прочитал програмата на новата Влада потенцирајќи дека тоа биле „најзалудно потрошени четири часа од животот“.
„Со внимание ја исчитав програмата на мандатарот Мицкоски и биографиите. Можам да кажам дека тоа беа најзалудно потрошени четири часа од мојот живот. Она што го имаме уште на првата страна сѐ ми кажа, еве нека види јавноста, во три реда, на пет места има „Република Северна Македонија“. Не знам зошто не го тестиравте спикерот Гаши бидејќи ние го тестиравме две и пол години спикерот Џафери кој ги прифаќаше со „Република С Македонија“. Па зошто кога вие сте на власт не го вратите тој преседан – да ми ги прифаќаат амандманите, предлог законите, дописите со „Република С Македонија“? И мислам дека по тоа што му го направивте на надорот во предизборието треба и едно „и“ да додадете и „Република Северина Македонија“ да пишете затоа што го изду***те народот со тоа што му го ветувавте на избори затоа што така ќе биде посоодветно“,
рече Апасиев.
Според пратеникот од опозициската Левица, во програмата имало само десетина добри работи и сите биле препишани од партијата која ја води тој.