Една од мерките во новиот петти пакет ќе биде отпишување на каматите на долговите на граѓаните кон јавните претпријатија. Проценките се дека со оваа мерка ќе бидат опфатени најмалку 180 илјади граѓани. Оваа бројка одговара на блокираните сметки на граѓани поради неплатени долгови кон овие претпријатија.
„Се прават последните калкулации, се собираат информации од сите јавни претпријатија, но само еден податок мислам дека треба и вреди да се земе предвид – во Македонија има 180 илјади блокирани сметки на нашите граѓани. Тоа се 180 илјади семејства коишто не можат да функционираат нормално. Најмалку бројот на тие којшто ќе биде опфатено со оваа мерка е 180 000, но претпоставуваме дека затоа што уште сите податоци не се стигнати од сите јавни претпријатија, јавни комунални претпријатија, УЈП итн. бројот ќе биде многу, многу поголем“,
изјави денеска вицепремиерот за економски прашања Фатмир Битиќи.