Државната комисија за спречување корупција (ДКСК) не гледа никаков судир на интереси во тоа што уставните судии вчера решија да го запрат минималецот за функционерите, обвинителите и самите судии и наместо минимална, како што предвидуваше Уредбата на Владата, тие да добијат цела плата.
„ДКСК смета дека не постои судир на интереси кај уставните судии во конкретното постапување. Имено, имајќи предвид дека надлежноста на Уставниот суд е утврдена само со Уставот, а Уставниот суд е единствен орган на Републиката кој ја штити уставноста и законитоста и одлучува за согласноста на законите со Уставот и согласноста на другите прописи и колективни договори со Уставот, сметаме дека во овој случај не е надвладеан личниот интерес во вршењето на службената должност“,
велат од Антикорупциската комисија, чии членови исто така ги опфаќаше одлуката за минимална плата за април и мај.
Уставниот суд, вчера рече одлучи да поведе постапка за оценување на уставноста на Уредбата за минималецот, како и за уредбите за забрана на исплата на додатоци и бонуси во јавниот сектор и за исплата на заостанатите плати на службениците во СЈО. А, додека да одлучи, донесе решение да се запрат овие уредби.
*Поврзани вести:
Уставен го запре минималецот за функционерите, судиите и обвинителите
Влада: Одлуката на Уставен за минималецот е скандалозна
Уставен: Одлуката за платите е донесена едногласно, Владата треба да ја почитува
Наместо минималец, на уставните судии ќе им останат платите од над 90 илјади денари