На крајот на декември „Анонимуси“ му посветија една од своите објави на Твитер на Вучиќ. Потоа објавија видео во кое со навреди и закани зборуваат за настаните на Косово
Хакерската група „Анонимус“ испрати нова порака до српскиот претседател Александар Вучиќ. „Анонимусите“ ја информираа јавноста дека се многу инволвирани и дека собрале електронски адреси на стотици службеници од различни министерства. Својата порака ја завршија со прашање упатено до Вучиќ: „Еј, кукло на Путин, каде си? Уште со кучињата?!“, пишува Нова.рс.
JUST IN: The #Anonymous collective leaked the email addresses of hundreds of Serbian government officials in various ministries. #OpSerbia engaged.
— Anonymous TV 🇺🇦 (@YourAnonTV) January 8, 2023
Link: https://anonfiles[.]com/Jct6DdQ1y1/SerbianGOVEmailLeaks_rar
Hey, Putin’s puppet, where are you? With the dogs, yet?! pic.twitter.com/v4T9aH3Ust
На крајот на декември „Анонимуси“ му посветија една од своите објави на Твитер на Вучиќ. Потоа објавија видео во кое со навреди и закани зборуваат за настаните на Косово.
„Забележавме дека српските криминални групи се обидуваат да предизвикаат вооружен конфликт преку тензии и воинствени провокации на северот на Косово. Српскиот автократски претседател Александар Вучиќ, марионета на Владимир Путин, се обидува да го дестабилизира регионот користејќи механизми на насилство и терор на воениот злосторник Слободан Милошевиќ, но се знае дека неговите обиди ќе бидат самоубиствени“,
посочија „Анонимуси“ на крајот на минатата година.
„Во екот на војната во Украина, Србија сè уште беше единствената земја која официјално прогласи сојуз со Русија, отфрлајќи ги постојаните покани на Западот да се приклучи на санкциите на Европската Унија“,
тие потоа се осврнаа на ставот што Србија го зазеде кон војната во Украина.
„Нашата колективна реакција ќе биде одлучна и итна. Анонимусите не се мала група на немоќни луѓе што треба да се игнорираат. Ние сме организиран и глобално активен колектив на истомисленици и доколку не престанете со вашите опасни акции на Косово, нашата порака ќе биде јасна“,
се заканија тие.
Набргу по таа објава на „Анонимуси“, стигна и одговорот на српскиот лидер.
„Се подготвуваме да се бориме против ‘Анонимусите’“,
напиша Вучиќ на Инстаграм со фотографија на која си игра со кучиња.