Политичкиот проект на министрите за економија и финансии во претходната техничка влада Продолжуваме со промените за првпат се мери на анкети и веднаш се најде на второто место
Партијата ГЕРБ/СДС со 21 отсто поддршка води на анкетата што во Бугарија ја спроведе Галуп, во периодот од 22 до 26 септември, објави Europe Elects, агрегатор за анкети и за изборни анализи во Европа.
Bulgaria, Gallup International poll:
— Europe Elects (@EuropeElects) September 30, 2021
GERB/SDS-EPP: 21% (-2)
PP-Greens/EFA: 15% (new)
BSP-S&D: 13% (-3)
ITN-*: 12% (-4)
DB-G/EFA|EPP: 12% (-4)
DPS-RE: 11% (-1)
…
+/- vs. 2 – 10 September
Fieldwork: 22 – 26 September 2021
Sample size: 2,000
➤ https://t.co/KaaCTH8NHP pic.twitter.com/wJj1vfQxWW
Се работи за теренска анкета на 2 000 испитаници која е спроведена на помалку од два месеци од парламентарните ибори во Бугарија кои заедно со претседателските се закажни за 14 ноември.
Она што е изненадување е второто место за политичкиот проект Продолжуваме со промените со 15% отсто, на двајцата поранешни министри за економија и финансии во техничката влада Кирил Петков и Асен Василев
Потоа следува БСП со 13 отсто, Има таков народ со 12%, Движење Бугарија на граѓаните со 11% и Движење заа права и слободи со 11%, додека останатите се под прагт од 5 отсто кој им гарантира влез во парламентот.
Врз основа на оваа анкета Europe Elects анализира дека во споредба со претходното истражување на јавното мислење (од 2 до 10 септември), сите партии имаат пад во поддршката: ГЕРБ/СДС од 2%,БСП за 3%, ИТН за 4% ДБГ за 4% и ДПС за 1 отсто.
Партијата на двајцата екс-технички министри за првпат се проверува на анкети и веднаш се искачи на второто место.
Кога го промовираа политичкиот проект на 19 овој месец, тие посочија четири критериуми за некој да може да им се приклучи: да имаат добра кариера надвор од политиката, да бидат независни луѓе кои можат самостојно да донесуваат правилни одлуки, да не биле во повеќе од една партија, да немаат скандали и што е најважно – секој да потпише договор за интегритет, односно дека нема банкарска тајна, нема скриени пари.
Тогаш најавија дека ќе формираат коалиција со уште седум-осум партии и најавија дека го поддржуваат Румен Радев за втор претседателски мандат.