За најобемната антикризна мерка за субвенционирање, сѐ уште трае рокот за аплицирање
Досега 1 000 компании побарале ослободување од аконтации за данок на добивка за март, април и мај и за ослободување од аконтации за данок на личен доход за самостојните вршители на дејности, што е дел од првиот сет антикризни мерки, соопшти денеска министерката за финансии Нина Ангеловска.
Од нив 680 аплицирале за ослободување од данок на добивка и 380 се за данок на личен доход.
За бескаматните кредити од првата кредитна линија во вредност од 4,7 милиони евра пристигнати се апликации од 631 компанија со 56 000 вработени.
За втората кредитна линија која е пуштена на 29 април во висина од 8 милиони евра, веќе се пристигнати 600 апликации. Министерката Ангеловска притоа истакна дека се очекува поголем интерес бидејќи за втората кредитна линија се олеснети и постапката и условите за аплицирање.
За најобемната мерка, субвенционирање на компаниите со минимална плата за секој вработен и на придонесите до 50 проценти, тешка 120 милиони евра која е со поддршка на Светската банка, која е во тек, заклучно со денеска пристигнале 5 000 апликации од кои 4 000 веќе се првично одобрени во однос на условите. По 7 мај, кога завршува втората апликација, точно ќе се знае колку компании ќе ја искористат оваа антикризна мерка која е насочена кон помош на компании да ја зачуваат ликвидноста и работните места во услови на корона-кризата.
*Поврзани вести
Владата пак ја смени уредбата за помош на фирмите: Без отпуштања за плата од државата
Со 3 новини се олеснуваат критериумите за финансиска поддршка за фирмите погодени од пандемијата