Тој во своето обраќање го потенцираше значењето на пумпно акумулационата хидроцентрала Чебрен, за успешна енергетска транзиција на земјата и регионот. Андонов, исто така, ги потенцираше и големите проекти од стратешки интерес, како што се најголемата фотонапонска електрана Стипион од француската компанија Акио Енерџи
Регионот треба да се стреми кон што побрза енергетската транзиција, истакна Виктор Андонов соработник за енергетика во Владата на Република Северна Македонија на регионалната експертска Конференција за енергетика и клима „Лук ап“ (Look Up) која се одржува во Копаоник.
Андонов на панелот „Обновливи извори реалност или мит” потенцираше дека токму оваа европска енергетска криза придонесе за зголемени активности во нови инвестиции во обновливи извори на енергија.
„За само една година во Северна Македонија изградени се над 80 мегавати на сончеви електрани, а се очекува до крајот на 2023 во македонскиот енергетски систем да има инсталирано околу 300 мегавати од фотонапонски електрани. Обновливите извори веќе се реалност во Европа и европските земји засилено инвестираат во нив. Владата на Република Северна Македонија, ја прифати таа реалност и ја донесе Стратегијата за развој на енергетиката до 2040, базирана на Европскиот зелен договор. Во Стратегијата предвидена е изградба над 1 500 мегавати на фотонапонски електрани, над 700 мегавати ветерни електрани и над 500 мегавати големи хидроелектрани”,
истакна Андонов.
Тој во своето обраќање го потенцираше значењето на пумпно акумулационата хидроцентрала Чебрен, за успешна енергетска транзиција на земјата и регионот. Андонов, исто така, ги потенцираше и големите проекти од стратешки интерес, како што се најголемата фотонапонска електрана Стипион од француската компанија Акио Енерџи, најголeмиот ветерен парк Вирови од германската компанија WPD, како и комбинираната гасна електрана која треба да се изгради во Скопје од Mytilineos од Грција.
Од 7 до 8 декември во Копаоник се одржува регионалната експертска Конференција за енергетика и клима „Лук ап“. На конференцијата учествуваат над 55 панелисти од регионот и Европа, експерти во енергетиката како и над 400 учесници. Конференцијата ја отвори Марко Чадеж, претседател на стопанската комора на Србија и Ирена Вујовиќ, министерка за заштита на животната средина. Свои обраќања имаа и Тања Мишевиќ, министерка за Европа, Горан Весиќ, министер за градежништво, сообраќај и инфраструктура како и Дубравка Дједовиќ, министер за енергетика и рударство.