На другите гранични премини, од македонска страна, нема подолги задржувања за влез и излез од државата
На ГП Табановце претпладнево се бележи зголемена фреквенција на возила, а времето на чекање за влез во земјава е околу 30 минути, соопштија од АМСМ.
На останатите гранични премини, од македонска страна, нема подолги задржувања за влез и излез од државата.
Сообраќајот на државните патишта се одвива непречено, по суви коловози, со умерен интензитет на сообраќај на патните правци надвор од градските средини.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони: Катланово – Велес, Маврово – Дебар – Струга, Виница – Берово и Кочани – Делчево.