Предлог законот поднесен во Претставничкиот дом предвидува засилување на пограничниот ѕид со челична ограда во висина од девет метри
Мат Розендејл, републикански конгресмен од Монтана, излезе со предлог-закон со кој се предлага забрана за испраќање воена помош за Украина од страна на САД се додека не заврши изградбата на ѕидот и не се постигне оперативна контрола над целата јужна граница кон Мексико.
Претседателот Џо Бајден ја запре изградбата на ѕидот долж американско-мексиканската граница што ја почна неговиот претходник Доналд Трамп.
„Истовремено кога во нашата земја срамно пропаднаа обидите да се осигура безбедност на сопствените граници и заштита на нашиот територијален интегритет, политичарите од двете партии водени од принципот „Америка на последно место“, ни зборуваат дека наш долг е да го правиме тоа за Украина“,
се вели во изјавата на Розендејл.
Предлог законот поднесен во Претставничкиот дом предвидува засилување на пограничниот ѕид со челична ограда во висина од девет метри, осветлување по целата должина, камери за набљудување, сензори и технологија за откривање тунели.
„Пред да не вовлечат во уште еден странски конфликт поради границите н а источноевропската држава, која е илјадници километри од нашите брегови, подбуцнувачите на војни барем треба да осигураат безбедност на нашата јужна граница“,
додава конгресменот.