Маж од американската сојузна држава Мисури е обвинет за терористичка закана откако кашлал врз купувачи и напишал „Ковид“ на фрижидер во една продавница.
Џон Свалер од градот Куба е обвинет во вторникот и е во притвор, а одредена му е кауција од 25.000 долари.
Вработените во продавницата повикале полиција откако 33-годишен маж намерно кашлал врз купувачите, „дишел врз фрижидерот“ и на неговата внатрешна страна напишал „Ковид“.
По инцидентот продавницата била затворена и дезинфицирана.