Амбасадорката на САД во ОН: Суспензијата на Русија е важен и историски ден

Амбасадорката на САД во Обединетите Нации (ОН), Линда Томас-Гринфилд, по повод суспензијата на Русија од Советот за човекови права на ОН, на Твитер напиша дека ова е важен и историски ден.

Османи: С Македонија гласаше за исклучување на Русија од Советот за човекови права на ОН

„Земјите ширум светот гласаа за суспензија на Русија од Советот за човекови права на ОН. Колективно, испративме јасна порака дека Русија ќе сноси одговорност“,

напиша Гринфилд.

Одлуката за исклучување на Русија од Советот за човекови права на ОН беше донесена со 93 гласа за, 24 против и 58 воздржани.

По одлуката за исклучување на ОН, официјална Москва веднаш се јави со реакција, во која се вели дека тоа е направено на „нелегален начин“.

Русија: Исклучувањето од Советот за човекови права на ОН е нелегално

Единствениот друг актуелен член на Советот за човекови права на кој му беше суспендирано членството беше Либија во 2011 година, кога силите лојални на Моамер Гадафи насилно ги разбија антивладините демонстранти.