Пред неколку дена рускиот претседател го посети западниот руски регион Курск за првпат откако украинските сили во август минатата година зазедоа одредена територија во регионот
Рускиот претседател Владимир Путин, коментирајќи го повикот на американскиот претседател Доналд Трамп да ги поштеди украинските војници во регионот Курск, порача дека нивните животи ќе бидат загарантирани доколку го положат оружјето и се предадат.
„Во случај да го положат оружјето, на украинските војници во регионот Курск ќе им се гарантира животот и ќе имаат достоинствен третман во согласност со нормите на меѓународното право и законите на Руската Федерација“,
рече тој.
Посочи дека за да се спроведе повикот на Трамп, Киев мора да и издаде наредба на својата армија во регионот Курск да се предаде.
Според него, украинските сили извршиле бројни злосторства врз руското цивилно население во тој регион.
Путин се осврна и на односите меѓу Москва и Вашингтон, велејќи дека Трамп и американската администрација прават се што можат за да ги обноват односите меѓу Русија и САД на состанокот на Советот за безбедност.
Претходно, американскиот претседател Доналд Трамп изјави дека вооружените сили на Украина се целосно опколени во регионот Курск и побара од рускиот претседател да им ги поштеди животите.
Пред неколку дена Путин го посети западниот руски регион Курск за првпат откако украинските сили во август минатата година зазедоа одредена територија во регионот.
Путин, облечен во воена униформа, го посети контролниот центар во областа Курск што го користат руските сили.