Писмото за поддршка на Бајден доаѓа откако претседателот Трамп минатата недела доби слична поддршка од 235 високи воени началници
Речиси 500 американски експерти за национална безбедност го поддржаа Џо Бајден за претседател на САД, со став декa „актуелниот претседател не е дораснат за „огромните одговорности на својата функција“.
Во писмото до јавноста, потпишано од 489 американски експерти за безбедност и со образложение за поддршката, никаде не се споменува директно името на претседателот Доналд Трамп.
Писмото е потпишано од Пол Селва, генерал на воздухопловните сили на САД, кој лани замина од фунцијата заменик претседател на Здружениот штаб на оружените сили на САД, втора функција во Пентагон.
Други потписници се поранешниот заменик државен секретар Ричард Армитаж, кој служел во време на Џорџ Буш-помладиот, како и Сузан Рајс, поранешна советничка за национална безбедност и Медлин Олбрајт, поранешен државен секретер.
Писмото за поддршка на Бајден доаѓа откако претседателот Трамп минатата недела доби слична поддршка од 235 високи воени началници кои го пофалија дека ја повторно ја изградил армијата и дека е „силен поддржувач“ на воениот персонал и на ветераните.