За време на собирот, граѓани ја исвиркаа и ја полеаја со јогурт актерката и идна пратеничка од редовите на опозициската Српска напредна партија (СНС), Лидија Вукиќевиќ. Иако според снимките, нејзината реакција е мошне рамнодушна, српските медиуми јавија дека таа подоцна на прес-конференција во парламентот плачејќи изјавила дека се чувствува лошо што била нападната од Срби
Пред зградата на народното собрание во Србија утринава се собраа група граѓани, поддржувачи на Студентската листа, за да ги поддржат своите претставници пред конститутивната седница на парламентот.

Пред почетокот на седницата, кој е закажан за 10 часот, се одржа собир на граѓани во Пионерскиот парк и пред зградата на парламентот. Присутните ги испратија претставниците на Студентската листа до скалите на парламентот аплаудирајќи им и извикувајќи „Победа“ и „Пумпај“ – еден од најпрепознатливите слогани кој ги одбележа студентските и граѓанските протести во Србија изминатите две години. Меѓу присутните имаше млади и повозрасни граѓани, а некои од нив носеа српски знамиња и обележја на различни студентски групи, како и транспаренти на кои беа испишани пораки за поддршка на идните пратеници.
Присутните кандидати од Студентската листа ги отпоздравија граѓаните со аплауз и влегоа во парламентот.
Danas će kandidati i kandidatkinje Studentske liste, kao i kandidati sa drugih izbornih lista koje su prešle cenzus verifikovati svoje mandate. ISpred Narodne skupštine veliki broj građana i građanki https://t.co/TmtEd99ppS
— Mašina (@MasinaRS) November 17, 2026
За време на собирот, граѓани ја исвиркаа и ја полеаја со јогурт актерката и идна пратеничка од редовите на опозициската Српска напредна партија (СНС), Лидија Вукиќевиќ.
Според видеата, објавени на социјалните мрежи, додека Вукиќевиќ се наоѓа на скалите на Народното собрание, некој ѝ истурил јогурт на косата. Иако според снимките, нејзината реакција е мошне рамнодушна, српските медиуми јавија дека таа подоцна на прес-конференција во парламентот плачејќи изјавила дека се чувствува лошо што била нападната од Срби. Ја обвинила и полицијата дека не реагирала додека, според нејзината изјава, толпата ја влечела за коса и на крај ѝ истурила јогурт.
Okupljeni građani negoduju dok buduži poslanici Srpske napredne stranke ulaze u Parlament. Naša reporterka javlja da je nešto što liči na jogurt bačeno na Lidiju Vukićević. https://t.co/5rQRc23xdX
— Mašina (@MasinaRS) November 17, 2026
Откако ги испратија претставниците на Студентската листа, студентите ги повикаа граѓаните мирно да се разотидат и да продолжат да ја следат конститутивната седница од своите домови, кафулиња или други локации.
Građanke i građani okupili su se danas ispred Skupštine i više kafana u Beogradu kako bi pratili konstitutivnu sednicu koja je u toku. https://t.co/CXd7Jznpqr
— Mašina (@MasinaRS) November 17, 2026
