Па така, од полноќ бензинот еуросупер БС-95 ќе се продава за 84 денари, еуросупер БС-98 ќе чини 86 денари, а цената на дизелот ќе биде 92 денари за литар

Од ноќеска на полноќ горивата ќе се продаваат по нова, пониска цена.
Регулаторната комисија за енергетика донесе одлука со која цената на бензините се намалува за два денари по литар, а дизелот поевтинува за 2,5 денари.
Па така, од полноќ бензинот еуросупер БС-95 ќе се продава за 84 денари, еуросупер БС-98 ќе чини 86 денари, а цената на дизелот ќе биде 92 денари за литар.
Со одлуката на РКЕ, за три денари за литар се намалува и малопродажната цена на екстра лесното масло за домаќинство и ќе изнесува 100,5 денари, додека цената на мазутот се намалува за 0,998 денари за килограм и ќе се продава за 48,314 денари.
Во одлуката на РКЕ е применета владината одлука за намалениот износ на ДДВ за дизел горивото во износ од 10 проценти, како и намалениот износ на акцизата од еден денар за литар кај бензините и од четири денари за литар кај дизелот.
