На мета на руските напади беше енергетската и друга клучна инфраструктура во четири украински области, но и станбени објекти. Според украински извори, во нападите има четворица загинати, а околу 70 луѓе се повредени
Украина, пак, со дронови нападна и погоди еден од најголемите руски петрохемиски комплекси во Нижнекамск, град во Република Татарстан
Русија ноќеска и утрово со дронови и ракети нападна повеќе украински региони. Меѓу најтешко погодените се Одеската, Дњепропетровската, Харковската и Запорошката област. На мета беше енергетската и друга клучна инфраструктура, но и станбени објекти. Според украински извори, во нападите има четворица загинати, а околу 70 луѓе се повредени.
#Київщина: внаслідок повторної російської атаки на Вишгородський район травмовано чоловіка 1940 року народження. Під ударом опинився склад промислового підприємства. Рятувальники ліквідували пожежу. Наразі триває розбір пошкоджених конструкцій. https://t.co/bhOw9xtZpy
— DSNS.GOV.UA (@SESU_UA) November 15, 2026
Украина, пак, со дронови нападна и погоди еден од најголемите руски петрохемиски комплекси во Нижнекамск, град во Република Татарстан, објавија денеска локалните медиуми. Во друг напад во Таганрог на југот на Русија е погодена трафостаница.
Во Нижнекамск се забележани оштетувања во индустриската зона, а беспилотно летало погодило и стан во станбена зграда, извести градоначалникот Радмир Бељаев. Според неговите зборови, сите станари се евакуирани, а на зградата нема поголеми конструкциски оштетувања.
Напади во Црното Море
Дронови нападнаа три комерцијални бродови во Црното Море во близина на романскиот канал Сулина, изјави денеска премиерот Лука Никулеску, додавајќи дека романските одбранбени сили двапати подигнале борбени авиони.
Министерот за одбрана Стефан Раду Опреа изјави дека нема жртви и дека бродските екипажи успеале да воспостават контрола над пожарот по нападот доцна во саботата.
Растечкиот број смртоносни напади врз трговски бродови во близина на членките на НАТО, Романија и Бугарија, покажува како сè поинтензивната поморска војна меѓу Русија и Украина се претвора во поголем предизвик за трансатлантскиот сојуз во Црното Море.