Погледнете го новото издание на емисијата „360 степени”, емитувано на 2 ноември 2026 г. на МРТ 1, во кое гостуваат универзитетските професори Владо Бучковски и Александар Спасеновски
Во новото издание на емисијата „360 степени“ на МРТ 1, со универзитетските професори Владо Бучковски (поранешен премиер) и Александар Спасеновски (поранешен пратеник) разговараме за политичките пораки од изборите во Брвеница, Бугарија и Србија и нивните последици за Македонија. По победата на ДУИ во Брвеница, Спасеновски очекува преиспитување на односите во владината коалиција, додека Бучковски оценува дека Влен ја губи поддршката, а ДУИ ќе продолжи да расте. Дали ваквиот исход ја приближува земјата до предвремени парламентарни избори и што ќе пресуди во калкулациите на ВМРО-ДПМНЕ – односот со коалициските партнери, сопствениот рејтинг или кризата во опозицијата?
Победата на Илијана Јотова за Спасеновски е избор за континуитет во Бугарија, а за Бучковски резултатот носи и опомена за власта на Румен Радев. Во односите Скопје–Софија, Спасеновски гледа поволна околност во веќе воспоставената комуникација меѓу двете претседателки, додека Бучковски смета дека следниот чекор мора да го направи Македонија со исполнување на сопствените европски обврски.
Разговараме и за предизвиците пред Студентската листа во Србија – од преземањето на институциите до способноста различните политички струи да функционираат како власт и да ја придвижат земјата кон ЕУ. Спасеновски смета дека надворешнополитичките разлики меѓу победниците не се тешка пречка, а Бучковски очекува новата власт да биде значително подобра од власта на Вучиќ. Случајот со Алта банка ја отвора и темата за прелевањето на српските потреси во Македонија, при што Бучковски бара да се испита кој го одобрил влезот на банката во земјава и согласноста Давор Мацура да стане претседател на нејзиниот Надзорен одбор.