Демонстрантите во повеќе градови низ Италија изразија незадоволство од зголемените трошоци за живот, ниските плати и владините политики
Немирите ескалираа во близина на Колосеумот во Рим, кога група демонстранти се обиде насилно да влезе во амфитеатарот на објектот. Сепак, беа запрени од полициски кордон
Судири меѓу демонстрантите и полицијата избувнаа денес во центарот на Рим, откако учесниците на протестот се обидоа да се движат кон зградите на државните институции, објави италијанската новинска агенција „Анса“.
Scontri vicino a Piazza della Repubblica, a Roma, tra manifestanti contro il carovita che volevano proseguire in corteo e la polizia che li ha bloccati con una carica e l’idrante. https://t.co/Si7HOxbcX9
— Local Team (@localteamit) October 24, 2026
Инцидент се случи во близина на плоштадот „Ларго ди Санта Сузана“, кога демонстрантите почнаа да фрлаат шишиња кон полицијата, која одговори со употреба на водни топови и солзавец, по што изврши неколку интервенции за растерување на толпата и смирување на судирите.
Приведени се повеќе од 200 млади луѓе кои се обиделе да предизвикаат немири.
Scontri nel cuore di Roma tra i manifestanti e le forze dell’ordine. Gli episodi sono iniziati quando il corteo ha cercato di avanzare, all’altezza di largo di Santa Susanna, in direzione dei palazzi istituzionali. In un primo momento sono state lanciate bottiglie contro gli agenti, che hanno risposto utilizzando idranti e lacrimogeni. In seguito, le forze dell’ordine hanno effettuato alcune cariche di alleggerimento.
— The Epoch Times Italia (@EpochItalia) October 24, 2026
Сепак, немирите ескалираа во близина на Колосеумот, кога група демонстранти се обиде насилно да влезе во амфитеатарот на објектот, каде беа запрени од полициски кордон.
Во Рим денеска беа одобрени два протеста. Едниот под мотото „Одблокирајте ги сите“, бил организиран од десничарски студентски здруженија, а завршич без инциденти во квартот Прати.
Групата што се формираше по судирите минатиот викенд во Милано, „Движењето 17-ти Октомври“, преку апликации за пораки и социјални медиуми најави три собири, а поворките требало да се спојат на сè уште непозната локација.
Истовремено, од плоштадот „Република“ почна антивоен марш наречен „Италија надвор од војната“, кој го организираше групата „Антиимперијалистичка оска“. На него учествувале околу стотина демонстранти, кои носеле знамиња на Палестина, Куба, Либан и Комунистичката партија на народното единство, како и италијански знамиња. Извикуваа слогани против НАТО и вооружувањето на Европа.
Рим денеска беше под посебни безбедносни мерки, со повеќе од 1 500 распоредени полицајци, со цел да се спречи повторување на судирите што се случија во Милано.