Најнапната беше ситуација во Бордо, каде што маскирани демонстранти фрлаа предмети кон полицајците и поставуваа барикади на плоштадот „Бурз“, во историскиот центар на градот
Судири имаше и во Париз, каде што мирниот марш, на кој според информациите присуствуваа околу 110 000 луѓе, заврши со конфликт меѓу полицијата и група од неколку илјади демонстранти
Насилни судири меѓу демонстрантите и полицијата избувнаа во повеќе француски градови, пренесува Си-ен-ен. Безбедносните сили употребија солзавец и водени топови за да ги растераат насобраните.
Најнапната беше ситуација во Бордо, каде што маскирани демонстранти фрлаа предмети кон полицајците и поставуваа барикади на плоштадот „Бурз“, во историскиот центар на градот.
Регионалните власти ги повикаа граѓаните да ја избегнуваат областа, при што наведуваат дека група демонстранти ги напаѓаат полициските сили.
Mobilisation #24octobre à #Bordeaux | Des groupes hostiles s’en prennent aux forces de l’ordre, jettent des projectiles et constituent des barricades sur la place de la Bourse. ⚠️ Évitez le secteur. https://t.co/5BTJOdAmE3
— Préfète de la Nouvelle-Aquitaine et de la Gironde (@PrefAquitaine33) October 24, 2026
Судири имаше и во Париз, каде што мирниот марш, на кој според информациите присуствуваа околу 110 000 луѓе, заврши со конфликт меѓу полицијата и група од неколку илјади демонстранти.
Инциденти избувнаа кај Порт де Венсен, која беше крајната точка на маршот. Полицијата употреби солзавец и водни топови, додека над областа кружеше полициски хеликоптер.
И во Лион и Марсеј беше употребен солзавец. Учесник на протестот во Лион изјави дека на собирот имало околу 150 луѓе, главно средношколци и студенти, и дека полицијата почнала да употребува солзавец речиси веднаш, по што видливоста на улицата била значително намалена.
Според француските медиуми, водни топови биле употребени и во други делови од земјата, додека солзавец бил испукан и во Ница и Клермон-Феран. Во Нант, шест лица биле уапсени по пријави за вандализам и грабежи. Локалните власти претходно ги предупредиле граѓаните да го избегнуваат центарот на градот поради ненајавени собири. Кога дел од демонстрантите се обиделе да ја преминат реката Лоара, наишле на полициски кордон.
BREAKING: Riots have started in Nantes. The French riot police is firing water cannons on the rioters https://t.co/VPXdK5APnw
— Visegrád 24 (@visegrad24) October 24, 2026
Протести се одржаа и во Орлеан, каде што околу 13 000 луѓе излегоа на улиците против десничарската партија Национален собир (РН), за време на нејзината дводневна конференција.
Лидерката на француската десница, Марин Ле Пен, преку објава на социјалната мрежа Икс, изрази поддршка на полицијата и жандармеријата, кои беа ангажирани за одржување на јавниот ред и безбедноста.