Повикувајќи се на „нови податоци“ за распоредувањето на севернокорејски војници во Русија, Зеленски во објава на платформата Икс наведе дека тие „се избираат за обука и последователно распоредување во Русија“
Украинскиот претседател Володимир Зеленски вели дека на руска територија се наоѓаат повеќе од 8 000 севернокорејски војници и дека се во тек подготовки за распоредување на уште 10 000 војници.
Повикувајќи се на „нови податоци“ за распоредувањето на севернокорејски војници во Русија, Зеленски во објава на платформата Икс наведе дека тие „се избираат за обука и последователно распоредување во Русија“.
„За возврат, Русија плаќа, меѓу другото, и со технологија: во Северна Кореја е воспоставено производство на беспилотни летала од типот ‘шахед’ со руска техничка поддршка. Така навлегува злото и така заканата по животот во еден дел од светот се шири кон другите делови. Ова може да се надмине само заеднички“,
пишува Зеленски.
In effect, the Russians have already begun additional mobilization – they are increasing the number of people they recruit through various means. They also plan to increase the recruitment of foreigners, and it is important that the governments of the countries from which Russia recruits people into its ranks counter this. We will inform every relevant government. We also have new data on the deployment of North Korean troops to Russia. There are currently more than 8,000 North Korean troops on Russian territory. In addition, preparations are underway to deploy another 10,000 troops – they are being selected for training and subsequent deployment to Russia. In return, Russia is paying, among other things, with technology: production of shahed-type attack drones has been established in North Korea with Russian technical support. This is how evil encroaches, and how a threat to life in one part of the world spreads to other parts. This can only be overcome together.
— Volodymyr Zelenskyy / Володимир Зеленський (@ZelenskyyUa) September 28, 2026
Украинскиот претседател минатиот месец рече дека до 50 000 севернокорејски војници би можеле да бидат испратени да се борат за Русија и ја повика Јужна Кореја да обезбеди поддршка за украинската противвоздушна одбрана.
Јужна Кореја во јули најави пакет помош за Украина во вредност од 100 милиони долари, иако тој не вклучуваше оружје.
Последните коментари на Зеленски следуваат откако меѓу Сеул и Киев настанаа несогласувања поради неговата минатонеделна објава дека Украина префрлила двајца заробени севернокорејски војници во Јужна Кореја.
Сеул изрази жалење поради таа објава, повикувајќи се на договорот за чување на трансферот во тајност. Јужна Кореја исто така упати протест поради, како што ја нарече, лажната изјава од кабинетот на украинскиот претседател со која се негираше постоењето на таков договор за доверливост.
Ројтерс пишува дека според украинските и јужнокорејските проценки, Северна Кореја од 2024 година испратила меѓу 14 000 и 15 000 војници како поддршка за руската војна во Украина, при што најголемиот дел се распоредени во регионот Курск за да помогнат во одбивањето на украинскиот упад.
Според украинските и независните проценки, Пјонгјанг, исто така, ја снабдил Русија со милиони артилериски и минофрлачки гранати, како и со балистички ракети, артилериски системи со голем дострел и повеќецевни ракетни системи.