Одборот за туризам на Непал, во последниот извештај, наведува дека од исчезнатите туристи 466 се странски државјани од 28 различни земји
Најмалку 579 туристи, вклучувајќи 466 странски државјани, се водат како исчезнати по ненадејните поплави на границата меѓу Непал и Тибет, соопшти туристичкиот одбор на земјата. Во катастрофалните поплави што ја зафатија хималајската држава загинати се најмалку 95 лица, пренесуваат светските медиуми.
Во поројните поплави во Непал, селата и патиштата се тешко оштетени, а сè е покриено со дебел слој камења и кал. Властите повикаа спасувачи од Кина и Индија да помогнат.
Одборот за туризам на Непал, во последниот извештај, наведува дека од исчезнатите туристи 466 се странски државјани од 28 различни земји.
🚨 INDIA, BE CAREFUL! 🇮🇳
— Megh Updates 🚨™ (@MeghUpdates) August 26, 2026
A major flood wave has entered Nepal’s Bhote Koshi from the Tibetan side, triggering alerts across the Trishuli basin.
Bhote Koshi → Trishuli → Narayani/Gandak → Bihar → Ganga.
West Champaran, East Champaran, Gopalganj, Saran & Vaishali should… pic.twitter.com/5oayN3emjN
Сто и тринаесет од исчезнатите туристи се Непалци, 54 се од САД, а бројот на исчезнати државјани на Велика Британија останува 33 лица, пишува Би-би-си.
Меѓу исчезнатите има и војници, полицајци и работници на енергетски проекти.
Според претходниот извештај од кабинетот на премиерот, меѓу исчезнатите се 44 припадници на армијата, 28 полицајци и 13 припадници на интервентната полиција. Покрај нив, тие бараат 60 работници кои биле ангажирани во енергетски проекти.
रसुवामा आएको बाढीले एउटा जलविद्युत आयोजनासहित धेरै पुल र सडकहरू बगाएको छ। हाम्रा मानिसहरूलाई सहयोगको खाँचो छ। pic.twitter.com/eofeBF6rif
— Nepal Correspondence (@NepCorres) August 26, 2026
Според прелиминарните информации презентирани во парламентот од страна на министерот за надворешни работи на Непал, Шишир Канал, катастрофата веројатно била предизвикана од земјотрес. Земјотресот, регистриран во 8:37 часот по локално време, предизвикал лизгање на земјиштето, кое потоа предизвикало ненадејна поплава. Канал истакна дека тимовите сè уште ги проверуваат податоците и додаде дека Кина, исто така, претрпува огромна штета и дека Непал ги координира активностите со кинеската страна.
Сателитски снимки, кои ги пренесува Би-би-си, ја покажуваат ситуацијата на подрачјето на реката Тришули од пред три дена и денеска. Првата фотографија, снимена пред три дена, ја покажува ситуацијата пред ненадејните поплави, додека втората, направена денес, ја покажува надојдената река и водата што го поплавила околното подрачје.
Непалскиот премиер Балендра Шах го повика населението на единство.
„Болката и загубата што ја претрпевте се големи. Сепак, сакам да знаете дека не сте сами во овие тешки времиња – државата е со вас со сите свои ресурси. Ве молам бидете трпеливи. Владата ја презема целосната одговорност за вашето спасување, лекување, храна и сместување. Во ваква катастрофа, сите мора да останеме обединети“,
рече Шах во објава на социјалните мрежи.
Nepal floods: Aerial footage shows the devastating aftermath.
— Weather Monitor (@WeatherMonitors) August 26, 2026
At least 97 people have been killed, while 403 people from 27 countries remain unaccounted for.
Among those reported missing are 62 Nepali citizens, 133 Indians, 47 Americans, and 33 Britons. pic.twitter.com/UyKMs2IJ1g
Кинеската државна телевизија CCTV, повикувајќи се на прелиминарните бројки на властите, соопшти дека од кинеската страна од границата има најмалку три лица што се загинати, а 265 други се водат како исчезнати.