„Им понудил подарок во форма на пари на полицајците од Управата за сообраќајна полиција, за да не му издадат казна за сообраќајни прекршоци, откако управувајќи патничко моторно возило на автопатот, ја пречекорил дозволената брзина и се движел по левата лента додека десната била слободна за возење“, информираат од МВР на Србија
Српската полиција уапси 43-годишен македонски државјанин, кој се обидел да ги поткупи полицајци откако сторил сообраќаен прекршок. Според информациите објавени од Министерството за внатрешни работи на Србија, З. А. вчера со својот автомобил ја пречекорил дозволената брзина и се движел во погрешна лента.
По наредба на Вишото јавно обвинителство во Краљево, тој е уапсен и одреден му е 48-часовен притвор.
„Осомничен е дека вчера им понудил подарок во форма на пари на полицајците од Управата за сообраќајна полиција, за да не му издадат казна за сообраќајни прекршоци, откако управувајќи патничко моторно возило на автопатот, ја пречекорил дозволената брзина и се движел по левата лента додека десната била слободна за возење“,
соопштија од српското МВР.
Против осомничениот ќе биде поднесена соодветна кривична пријава