Според одлуката на Регулаторната комисија за енергетика, бензините ќе поскапат за 4,5 денари, а дизелот за 6,5 денари по литар
Од ноќеска на полноќ позначително се зголемуваат цените на горивата.
Според одлуката на Регулаторната комисија за енергетика (РКЕ), малопродажните цени на бензините од полноќ ќе се зголемат за 4,5 денари по литар, додека цената на дизелот ќе се зголеми за 6,5 денари по литар. За 6 денари по литар поскапува и екстралесното масло за домаќинство.
Па така, литар бензин Еуросупер БС-95 ќе чини 91,5 денари, бензинот Еуросупер БС-98 ќе се продава за 93,5 денари по литар, литар дизел ќе чини 98 денари, а цената на екстралесното масло од полноќ ќе биде 98,5 денари.
Од ноќеска за 0,188 денари поскапува и мазутот, чија цена ќе изнесува 43,726 денари по килограм.