Според најавата на УХМР, и во претстојните денови ќе се задржи сончевото и многу топло време, со дневни температури кои на места ќе достигнат и 40 Целзиусови степени
Денеска нè очекува сончево и многу топло време со температури до 39 степени. Во текот на денот ќе има мала до умерена локална облачност, а попладне на планиниските предели ќе има услови за краткотраен дожд. Ќе дува слаб до умерен ветер од променлив правец.
Според Управата за хидрометеоролошки работи, минималните температури ќе се движат во интервал од 11 до 21 Целзиусови степени, додека максималните ќе се искачат од 31 до 39 степени.
Времето во Скопје ќе биде сончево, многу топло и умерено облачно. Ќе дува слаб северозападен ветер. Температурите ќе се движат од минимални 17 до максимални 38 степени.
Според најавата на УХМР, и во претстојните денови ќе се задржи сончевото и многу топло време, со дневни температури кои на места ќе достигнат и 40 Целзиусови степени.