Според членот на ОО на СДСМ во Аеродром и советник во Општината, Марко Даниловски, станува збор за градежно земјиште со површина од 23 000 квадратни метри, кое се наоѓа на атрактивна локација, непосредно до хотел „Русија“ и Спортскиот центар „Јане Сандански“
Истовремено, според советникот, на електронската аукција закажана за почетокот на следниот месец за почетните 2 000 денари по квадратен метар градежно земјиште се бара банкарска гаранција од приближно два милиони евра
Опозицискиот Социјалдемократскиот сојуз на Македонија (СДСМ) денеска објави сознанија дека Општина Аеродром продава градежно земјиште по, како што велат од партијата, багателна цена од 2 000 денари за квадратен метар и прашуваат дали зад ваквата зделка стојат министрите за транспрот и за спорт Александар Николоски и Борко Ристоски, а задолжен за спроведување на проектот е градоначалникот на општината, Дејан Митевски.
„Секогаш кога ВМРО-ОКГ е на власт, продажбата на државно земјиште на атрактивни локации по багателни цени стапува на сцена. Дали овој пат, како што говорат информациите доставени до нас, режисери на една ваква зделка се токму Александар Николоски и Борко Ристовски, а изведбата е на Дејан Митевски?“,
изјави денеска на прес-конференција Марко Даниловски, член на Општинската организација (ОО) на СДСМ и советник во Општина Аеродром.
Како што изјави тој, станува збор за градежно земјиште со површина од 23 000 квадратни метри, кое се наоѓа на атрактивна локација, непосредно до хотел „Русија“ и Спортскиот центар „Јане Сандански“.
Истовремено, според советникот, на електронската аукција закажана за почетокот на следниот месец, за почетните 2 000 денари по квадратен метар градежно земјиште се бара банкарска гаранција од приближно два милиони евра.
„Земјиштето е со намена Д3 – спорт и рекреација и компатибилни Б-намени за комерцијални и деловни објекти предвидува градежна парцела од приземје и три ката со вкупна градежна површина од 80 000 квадратни метри“,
вели Даниловски.
Според него, ваквиот случај отвора цела низа прашања и потпрашања поврзани со намерите кои се кријат зад продажбата на земјиштето.
Од ОО на СДСМ во Аеродром јавно го прашуваат градоначалникот Дејан Митески, дали зад целата зделка стојат директно министерот за транспорт Александар Николоски и министерот за спорт Борко Ристовски, зошто за земјиште што вреди багателни почетни 2 000 денари по метар квадратен или вкупно 47 милиони денари се бара банкарска гаранција од 2 милиони евра и за кого е наменето ова земјиште.
Дополните од опозициската партија прашуваат и дали на ова место веднаш до хотел „Русија“ ќе никне уште еден спортско-комерцијален деловен објект и кога конечно ќе престане бетонизацијата на урбаното јадро на општината.
„Граѓаните бараат одговори и итно прекинување на распродажбата на градежно земјиште по багателни цени. ВМРО-ОКГ во Аеродром доби доверба за домаќинско и одговорно управување со општината, а не за распродажба на државниот имот по багателни цени“,
рече Даниловски.