Според него, четири од повредените лица, меѓу кои еден е наставник во училиштето, се на операција
Четири лица се убиени, а 20 други се повредени откако ученик отвори оган во средно училиште во Кахраманмараш во централна Турција, изјави локалниот гувернер Мукерем Унлуер.
Според него, четири од повредените лица, меѓу кои еден е наставник во училиштето, се на операција.
Гувернерот Унлуер, кој изврши увид на местото на настанот, изјави за медиумите дека напаѓачот влегол во две одделни училници каде што биле ученици од 5. одделение и отворил оган.
Напаѓачот, како што вели тој, се застрелал по инцидентот.
„Во тој момент на хаос, тој се застрела и се самоуби. Без разлика дали го сторил тоа со намера за самоубиство или во тој хаос, и тој почина, сега е мртов. Напаѓачот е ученик во 8. одделение во нашето училиште. Неговиот татко е поранешен полицаец. Се сомневаме дека го зел оружјето на својот татко“,
рече Унлуер.
Главниот јавен обвинител на Кахраманмараш, Рамазан Мурат Тирјаки, рече дека истрагата е започната и оти се вклучени три заменик-главни јавни обвинители и шест јавни обвинители.
„Нашите колеги во моментов продолжуваат со своите истраги. Го испитуваме во сите негови аспекти. Имаме 20 повредени. Во моментов, само телото на сторителот е во училиштето“,
рече тој.
Ова е второ пукање во училиште во Турција за два дена. Вчера поранешен ученик отвори оган врз неговото старо училиште, повредувајќи 16 лица пред да се самоубие.