Според Управата за хидрометеоролошки работи, променливото и облачно време ќе за задржи и утре, кога, исто така се очекуваат повремени локални врнежи од дожд, но со послаб интензитет, а од недела до средината на следната седмица ќе биде претежно сончево и значително потопло
Денеска времето во земјава ќе биде променливо облачно со повремени локални врнежи од дожд, а на планините ќе провејува снег со послаб интензитет, се вели во прогнозата на Управата за хидрометеоролшки работи (УХМР). Ќе дува слаб до умерен, а наместа долж Повардарието, повремено засилен ветер од северозападен правец.
Утринската температура ќе се движи во интервал од нула до осум Целзиусови степени, a максималната дневна ќе достигне од шест до 16 степени.
Во Скопје, според синоптичарите, се очекува слично време, променливо облачно со повремени слаби врнежи од дожд и слаб до умерен ветер од северен правец. Дневната температура во главниот град ќе се искачи до 14 Целзиусови степени.
Според Управата за хидрометеоролошки работи, променливото и облачно време ќе за задржи и утре, кога, исто така се очекуваат повремени локални врнежи од дожд, но со послаб интензитет. Во текот на утрешниот ден се очекува да дува засилен, а повремено и силен ветер од северен правец, кој наместа ќе достигне брзина и над 70 километри на час. Од недела до средината на новата седмица синоптичарите најавуваат сончево и значително потопло време, со мала до умерена облачност.