Случајот во полиција бил пријавен како самоубиство, но од МВР велат дека делото не може да биде квалификувано додека не заврши увидот на местото
Мајка и дете попладнево се пронајдени мртви во скопската населба Тафталиџе по пад од балкон од зграда.
Телата на жртвите се пронајдени кај станбен комплекс помеѓу улицата „Прашка“ и булеварот „Митрополит Теодосиј Гологанов“ во Тафталиџе, нешто по 14 часот.
Пријавата стигнала во Министерството за внатрешни работи (МВР) попладнево во 14:15 часот, а полициски екипи и обвинител од Основното јавно обвинителство (ОЈО) Скопје и натаму се на терен и вршат увид на местото на настанот. Случајот во полиција бил пријавен како самоубиство, но од МВР велат дека делото не може да биде квалификувано додека не заврши увидот.
Засега не е позната точната возраст на жената и на детето, кои починале на самото место.
Нема потврда на информациите дека се работи за жена која извесен период била жртва на семејно насилство.