fbpx
Свет

Земјотрес со јачина од 4 степени почувствуван на остров во близина на Дубровник

360степени | 18 декември, 2025 11:25

Според хрватските сеизмолози, земјотресот е почувствуван на брегот на Дубровник

Земјотрес со јачина од 4 степени според Рихтеровата скала е регистриран синоќа пред полноќ во Јадранското Море, поточно во близина на островот Млет, во регионот на Дубровник, соопшти Сеизмолошката служба на Република Хрватска, а потврди Европскиот медитерански сеизмолошки центар (ЕМСЦ).

„Во 23:07 часот регистриран е силен земјотрес со епицентар во Јадранското Море во близина на островот Млет“,

се вели во соопштението на хрватските сеизмолози.

Земјотресот е почувствуван на брегот на Дубровник.

Магнитудата на земјотресот е 4 степени според Рихтеровата скала, а интензитетот во епицентарот е проценет на 5 степени.

Според податоците од ЕМСЦ, епицентарот на земјотресот бил во Јадранското Море во близина на градот Неум, на длабочина од три километри.

©2025 360 степени, Сите права се задржани