Минималните температури ќе се движат во интервал од -5 до 2, додека максималните ќе се искачат од 6 до 13 Целзиусови степени
Променливо облачно со сончеви периоди – најавува Управата за хидрометеоролошки работи (УХМР) за денеска. Во претпладневните часови на одредени места ќе има појава на магла. Ќе дува слаб променлив ветер.
Минималните температури ќе се движат во интервал од -5 до 2, додека максималните ќе се искачат од 6 до 13 Целзиусови степени.
Времето во Скопје ќе биде променливо облачно со магла во делови од котлината во претпладневните часови. Температурите ќе се движат од минимални -4 до максимални 6 степени.
Според најавата на УХМР, до понеделник ќе се задржи стабилно време, со појава на магла и зголемена облачност, а во вторник се очекуваат локални врнежи од дожд.