Донорството спасува и менува животи. Благодарение на семејствата кои даруваат и на тимовите кои посветено работат, денес имаме две млади лица кои добиваат шанса за подобар и побезболен живот, вели националниот координатор за трансплантација, Билјана Кузмановска
Клиниката за ортопедија соопшти дека извршиле две успешни трансплантации на коска кај деца од починат донор.
Во првиот случај се работи за трансплантација на коска кај 14. годишно девојче со вродена аномалија на стапалата. Постигнале стабилна корекција, вела тоттаму, по што пациентката се вратила на вообичаените активности.
Во вториот случај, се интервенирало кај 13. годишен пациент со повторен деформитет на стапалото. Тој е испишан во добра состојаба и го очекува рехабилитација.
„Користењето кадаверични коскени трансплантати има огромно значење во детската ортопедија – се избегнува нова хируршка рана, болка и дополнителна деформација, а интервенциите се побезбедни и пократки. Донорството спасува и менува животи. Благодарение на семејствата кои даруваат и на тимовите кои посветено работат, денес имаме две млади лица кои добиваат шанса за подобар и побезболен живот“,
вели националниот координатор за трансплантација, Билјана Кузмановска.
Во првиот случај со 14. годишното девојче, операцијата ја предводеле науч. сор. д-р Ненад Атанасов и асс. д-р Милена Богојевска Доксевска, со тим составен од д-р Даница Поповска, д-р Армин Амедовски, д-р Ријад Ајро, анестезиолог д-р Лилјана Анѓелеска, анестетичарка Гордана Захариева, инструментарките Билјана Тројановиќ и Сузана Пејчиновска, радиолошкиот техничар Крешник Шеху и болничарката Ирена Галевска.
За втората трансплантација, тимот го предводел проф. д-р Зоран Божиновски, со анестезиолог д-р Ивана Крстевска Трпковска и асистенти д-р Теодора Божиновска и Искра Шојлеска Јовановска. Во интервенцијата учествувале и средно-медицинскиот кадар: Злата Апостолоска, Кристина Реџеп, Ширете Муртезани, Крешник Шеху и Снежана Тодоровска.
Од Клиниката се заблагодарија до двата медицински тима и до семејствата на донорите за нивната хуманост.