Водостоите на Охридското, Преспанското и на Дојранското Езеро, според денешните мерења, се во рамки на просекот
Зголемено ниво на реките во однос на просекот за декември се бележи денеска на Пчиња кај Катлановска бања, на Вардар кај Јегуновце, Скопје, Велес и Демир Капија, на Треска кај Македонски Брод, на Црна Река кај Новаци, на Црн Дрим кај Ложани, како и на Сатеска кај Ботун, соопшти Управата за хидрометеоролошки работи (УХМР).
Водостоите на Охридското, Преспанското и на Дојранското Езеро, според денешните мерења, се во рамки на просекот.
Според прогнозата на УХМР, утре ќе има локални врнежи од дожд кои ќе се намалуваат во попладневните часови. До крајот на неделата следува период на претежно стабилно време со пораст на дневната температура, освен во котлините каде што ќе има појава на магла.
Во Скопје времето ќе биде облачно со врнежи од дожд. Ќе дува слаб до умерен северен ветер.