Европската комисија во средата објави двегодишен план за финансирање на Украина, а една опција е користење на руските средства замрзнати во Европа
Потпретседателот на рускиот Совет за безбедност, Дмитриј Медведев, рече дека користењето на руските замрзнати средства од страна на Европската Унија ќе се смета за casus belli (причина за војна), објави парискиот весник „Монд“.
Европската комисија во средата објави двегодишен план за финансирање на Украина, а една опција е користење на руските средства замрзнати во Европа.
Меѓутоа, мерката сè уште се соочува со отфрлање од Белгија, каде што се наоѓаат поголемиот дел од замрзнатите руски средства.
„Доколку ЕУ, во напад на лудило, сè уште се обидува да украде руски средства замрзнати во Белгија со доделување на она што се нарекува псевдозаем за репарација, таквите дејствија, според меѓународното право, би можеле да се сметаат за casus belli, со сите последици што произлегуваат од тоа за Брисел и за одредени земји од ЕУ“,
напиша Медведев во порака на социјалните мрежи.