Возилата, како што велат од МВР, се наоѓаат на средната лента и на таа за принудно запирање. Затоа, како што додаваат оттаму, сообраќајот се одвива побавно, односно по лентата за престигнување
Две патнички возила попладнево се судрија на скопската обиколница, меѓу клучките кон Миравци и кон Приштина, информираат од Министерството за внатрешни работи (МВР).
Сообраќајот на овој дел, како што соопштија од Автомото сојузот на Македонија (АМСМ), се одвива само по лентата за престигнување.
„Денеска во 16:15 часот е пријавено дека на скопската обиколница се случи сообраќајна незгода меѓу две патнички моторни возила“,
велат од полицијата за случената сообраќајка.
Возилата, како што велат од МВР, се наоѓаат на средната лента и на таа за принудно запирање. Затоа, како што додаваат оттаму, сообраќајот се одвива побавно, односно по лентата за престигнување.
Две лица, учесници во незгодата, се пренесени во Клиничкиот центар „Мајка Тереза“ во Скопје.
Порталот 24инфо.мк објави видео од местото на сообраќајката на скопската обиколница: